सिरहा । नवराजपुर गाउँपालिकाको आर्थिक वर्ष २०८१/८२ को स्वीकृत गरिबी निवारणका लागि लघु उद्यम विकास कार्यक्रम (MEDPA) अन्तर्गत वडा नं. २, ३, ४ र ५ मा सञ्चालन भएका प्रविधि सीपमूलक तालिम तथा पुनर्ताजगी एवं एडभान्स तालिमको समापन, प्रमाणपत्र वितरण तथा प्रविधि हस्तान्तरण कार्यक्रम सम्पन्न भएको छ।
मिति २०८१ फागुन २५ गते, आइतबार आयोजित उक्त कार्यक्रममा गाउँपालिका अध्यक्ष श्री शिव उदगार यादव, उपाध्यक्ष श्रीमती पुनम कुमारी यादव, सम्बन्धित वडा अध्यक्षहरू तथा गाउँपालिका कर्मचारीहरूको उपस्थिति रहेको थियो। कार्यक्रममार्फत सहभागी लाभग्राहीहरूलाई तालिम पश्चात प्रमाणपत्र प्रदान गरिनुका साथै उनीहरूलाई व्यवसाय प्रवर्द्धनका लागि उपयुक्त प्रविधि हस्तान्तरण गरिएको छ।
कार्यक्रमले स्थानीयस्तरमा सीपयुक्त जनशक्ति विकास गर्दै उद्यमशीलता प्रवर्द्धन गर्ने अपेक्षा गरिएको छ।
यस्ता तालिमहरू दीर्घकालीनरूपमा प्रभावकारी बनाउन निरन्तर अनुगमन, व्यावसायिक मार्गदर्शन तथा वित्तीय पहुँचको सुनिश्चितता आवश्यक पर्छ। यस सम्बन्धमा कार्यक्रमको प्रभावकारीता कति रह्यो भन्ने विषयमा गहन समीक्षा हुनुपर्ने देखिन्छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
