नेपाल राष्ट्र बैंकले वित्तीय साक्षरता अभिवृद्धि गर्ने उद्देश्यले ग्लोबल मनी वीक आयोजना हुने

काठमाडौं । बालबालिका र युवामा वित्तीय साक्षरता अभिवृद्धि गर्ने उद्देश्यले सन् २०१२ देखि विश्वभर मनाइँदै आएको ग्लोबल मनी वीक (Global Money Week-GMW) आगामी मार्च १७ देखि २३ (२०८१ चैत ४ देखि १०) सम्म आयोजना हुने भएको छ। यस वर्षको १३ औं शृङ्खलामा ‘Think before you follow, wise money tomorrow’ भन्ने नारासहित अभियान मनाउन लागिएको छ।

ग्लोबल मनी वीकले हालसम्म १७६ मुलुकका ६ करोडभन्दा बढी बालबालिका र युवामाझ पुगेर वित्तीय ज्ञान र व्यवहारको विकासमा महत्वपूर्ण योगदान पुर्याएको छ। यस अभियानको नेतृत्व नेपालमा नेपाल राष्ट्र बैंकले राष्ट्रिय संयोजकको रूपमा गर्नेछ। यस कार्यक्रममा वित्तीय प्रणालीमा आवद्ध विभिन्न संस्थाहरूको सक्रिय सहभागिता रहने छ।

गैरसरकारी संस्थाहरू र अन्य सरोकारवाला संघसंस्थाहरूलाई पनि यस अभियानमा सहभागी हुन आह्वान गरिएको छ, जसले वित्तीय साक्षरता प्रवर्द्धनमा योगदान पुर्याउने अवसर सिर्जना गर्नेछ।

नेपाल राष्ट्र बैंकले ग्लोबल मनी वीक २०२५ को आयोजनाका लागि सबै संघसंस्थाहरूसँग समन्वय गरी यो कार्यक्रम भव्य रूपमा सम्पन्न गर्ने तयारी गरेको छ। यस अभियानमा सहभागी हुने संघसंस्थाहरूले आफ्ना कार्यक्रमहरूको जानकारी प्रदान गर्न नेपाल राष्ट्र बैंकलाई अनुरोध गरेका छन्।