गल्याङ नगरपालिकाका प्रमुख प्रशासकीय अधिकृत घिमिरेको स्वागत

गल्याङ, २०८१ फागुन १९ –  गल्याङ नगरपालिकाका नव नियुक्त प्रमुख प्रशासकीय अधिकृत पुरुषोत्तम घिमिरेलाई एक औपचारिक कार्यक्रममार्फत स्वागत गरिएको छ।

नगरपालिका कार्यालयमा आयोजित कार्यक्रममा नगरप्रमुख गुरु प्रसाद भट्टराई, उपप्रमुख हेमा न्यौपाने, विभिन्न वडाका अध्यक्षहरू तथा नगरपालिका कार्यालयका कर्मचारीहरूको उपस्थिति रहेको थियो। सार्वजनिक सेवाप्रति प्रतिबद्धता अभिवृद्धि गर्ने उद्देश्यका साथ आयोजित उक्त कार्यक्रममा, प्रमुख प्रशासकीय अधिकृत घिमिरेलाई नगरपालिकाको प्रशासनिक नेतृत्व ग्रहण गरेकोमा स्वागत गर्दै नगरप्रमुख भट्टराईले नागरिकमुखी सेवा प्रवाहलाई प्रभावकारी बनाउन समन्वयात्मक कार्यशैली आवश्यक रहेको उल्लेख गरे।

कार्यक्रममा उपस्थित जनप्रतिनिधि तथा कर्मचारीहरूले नगरवासीलाई पारदर्शी, प्रभावकारी र उत्तरदायी सेवा प्रदान गर्ने प्रतिबद्धता व्यक्त गर्दै, नगरपालिका विकासका योजनाहरूलाई सर्वसम्मत रूपमा कार्यान्वयन गर्ने विषयमा जोड दिएका थिए।