सभापति पदमा उम्मेदवारी दिने प्रकाशमान सिंहको घोषणा

काठमाडौं , १८ फागुन । नेपाली कांग्रेसका नेता प्रकाशमान सिंहले आगामी १५औं महाधिवेशनमा पार्टीको सभापति पदमा उम्मेदवारी दिन सक्ने संकेत दिएका छन्। सुर्खेतमा पत्रकारहरूसँग कुरा गर्दै उनले १४औं महाधिवेशनमा सभापति पदको उम्मेदवार बनेका थिए र अब त्यो भन्दा तलको पदमा दाबी नगर्ने स्पष्ट पारेका छन्। उनले भने, महामन्त्री र उपसभापति पदमा रहेका छु, अब संसदीय दलको नेता, प्रधानमन्त्री र सभापति बन्ने कुरा बाँकी छ।ू

सिंहले २०७८ मंसिरमा भएको १४औं महाधिवेशनमा सभापतिको उम्मेदवारी दिँदा ३७१ मत ल्याएका थिए, तर पहिलो चरणको मतदानमा ५० प्रतिशतभन्दा बढी मत नआएपछि दोस्रो चरणमा शेरबहादुर देउवालाई समर्थन गरेका थिए। उपप्रधानमन्त्री सिंहले भने, ‘दिगो सरकार चाहियो भन्ने जनचाहना अनुसार प्रमुख दुई दल मिलेर सरकार बनेको हो।’ उनले अघिल्लो सरकारले ल्याएको बजेट कार्यान्वयन गरिरहेकाले सोचे अनुसार काम हुन नसकेको पनि स्वीकार गरेका छन्।