हमासद्वारा थप तीन जना बन्धक रिहा

एजेन्सी । इजिप्ट र कतारी मध्यस्थकर्ताहरूले सावधानीपूर्वक तयार पारिएको तर कमजोर युद्धविराम सम्झौता अन्त्य गर्ने धम्की दिने समूह र इजरायल बीचको गतिरोधलाई रोक्न निरन्तर प्रयास गरेपछि हमासले शनिबार एक अमेरिकी सहित तीन थप इजरायली बन्धकहरूलाई रिहा गरेको छ। शनिबार बन्धकमुक्त हुनेहरूमा रूसी मूलका इसराइली नागरिक २९ वर्षीय अलेक्जेन्डर ट्रुफेनभ, अमेरिकी मूलका इसराइली नागरिक ३६ वर्षीय डेकेल चेन र अर्जेन्टिनी मूलका इसराइली ४६ वर्षीय लाइर हर्न छन्। रेडक्रसका कर्मचारीहरूले हमासका सदस्यहरूसँग बन्धकको रिहाइसँग सम्बन्धित कागजातहरूमा हस्ताक्षर गरेपछि बन्धकहरूलाई रिहाइ गरिएको हो ।

रिहाइअघि तीनै जनालाई हमासले खान युनिसको मञ्चमा खडा गराएको थियो । त्यसपछि बन्धकहरूलाई त्यहाँ उपस्थित मानिसहरूसँग कुरा गर्न माइक्रोफोन दिइएको थियो । गएको जनवरी १९ मा हमास र इजरायलबीच युद्धविराम सम्झौता भएयताको यो छैटौं पटकको बन्धक रिहा हो । हमासले तीन जना बन्धक रिहा गरेपछि इसराइलले ३६९ प्यालेस्टिनी कैदीहरूलाई जेलमुक्त गर्दैछ।