स्थितिमा सुधार भए हमासले आगामी शनिबार बन्धक रिहा गर्ने

एजेन्सी | हमासले आगामी शनिबार बन्धक रिहा गर्न तयार रहेको जानकारी दिएको छ, यदि स्थितिमा सुधार आउँछ भने। यसअघि, इजरायलले युद्धविराम सम्झौता उल्लंघन गरेको भन्दै हमासले बन्धक रिहा गर्न रोक्ने चेतावनी दिएको थियो। हमासका वरिष्ठ नेता डा। बसिम नइमले बीबीसीसँगको कुराकानीमा भने, “हामी सम्झौताप्रति प्रतिबद्ध छौं, र यदि स्थितिमा सुधार आउँछ भने, अर्को शनिबार बन्धकहरू रिहा गर्न तयार छौं।” यस घोषणासँगै नेपाली विद्यार्थी विपिन जोशीको रिहा हुने आशा पनि बलियो भएको छ।

तर, युद्धविराम सम्झौतामा बारम्बार उल्लंघन हुँदा बन्धक रिहा गर्न मुस्किल हुने डा। बसिम नइमले जनाएका छन्। यसअघि, सोमबार, हमासले इजरायलको युद्धविराम उल्लंघनको कारण बन्धक नछाड्ने चेतावनी दिएको थियो। अमेरिकाका राष्ट्रपति डोनाल्ड ट्रम्पले पनि सबै बन्धक रिहा नगरेको खण्डमा हमासलाई नराम्रो परिणाम भोग्नुपर्ने चेतावनी दिएका थिए। यसको जवाफमा हमासका प्रवक्ताले भने, धम्कीको कुनै अर्थ नहुने बताएका छन्।

स्मरणीय छ, जनवरी १९ देखि हमास र इजरायलबीच युद्धविराम जारी छ, र त्यसपछि, हमासले २१ इजरायली बन्धक रिहा गरेको छ, जसको बदला इजरायलले ५६६ प्यालेस्टिनी कैदीलाई रिहा गरेको छ।