प्रतिनिधिसभा बैठक बस्दै ,कानुन र श्रमसम्बन्धी महत्त्वपूर्ण प्रतिवेदन पेस हुने

काठमाडौँ , २५ माघ ।  आज प्रतिनिधि सभाको बैठक दिउँसो १ बजे संसद् भवनमा बस्ने भएको छ। बैठकमा उद्योग तथा वाणिज्य र श्रम तथा उपभोक्ता हित समिति सभापति अब्दुल खानले ‘विद्युतीय व्यापार विधेयकसम्बन्धी समितिको प्रतिवेदन, २०८१’ प्रस्तुत गर्ने सम्भावना रहेको छ।

यसैगरी, कानुन, न्याय तथा संसदीय मामिलामन्त्री अजयकुमार चौरसियाले ‘कानुन, न्याय तथा मानव अधिकार समितिको प्रतिवेदनसहितको विधायन विधेयक, २०८०’ को बारेमा छलफल र पारित गर्नका लागि प्रस्ताव प्रस्तुत गर्ने कार्यसूची छ। बैठकमा श्रम, रोजगार तथा सामाजिक सुरक्षामन्त्री शरतसिंह भण्डारीले ‘अन्तर्राष्ट्रिय श्रम सङ्गठनको अन्तर्राष्ट्रिय श्रम सम्मेलनले स्वीकृत गरेका नयाँ अन्तर्राष्ट्रिय श्रम मापदण्डहरूको संयन्त्र (महासन्धि, प्रोटोकल र सिफारिस) सम्बन्धी प्रतिवेदन’ पनि पेस गर्ने सम्भावना छ।