विपिन जोशीको उद्धारका लागि सबै प्रयासहरु भइरहेको छ:इजरायली राष्ट्रपति

काठमाडौँ ,२३ माघ । इजरायलका राष्ट्रपति इज्याक हर्जोगले हमासद्वारा अपहरित नेपाली विद्यार्थी विपिन जोशीको सुरक्षित रिहाइ र घर फिर्तीका लागि हरसम्भव प्रयास गरिरहेको बताएका छन्। मंगलबार अपराह्न राजदूत पण्डितले त्यहाँका राष्ट्रपति हर्जोगसँग संवाद गरेको परराष्ट्रमन्त्रालयले विज्ञप्ति जारी गरेर बताएको छ ।

परराष्ट्र मन्त्रालयले जारी गरेको विज्ञप्तिका अनुसार राष्ट्रपति हर्जोगसँग राजदूत पण्डितको मंगलबार साँझ कुराकानी भएको थियो। २०८० असोज २१ मा प्यालेस्टाइनी कट्टरपन्थी समूह हमासले इजरायलमा आक्रमण गर्दा १० जना नेपाली मारिएका थिए । सोही आक्रमणमा विपिन जोशीलाई हमासले बन्धक बनाएको थियो ।