काठमाडौं। इलाका प्रहरी कार्यालय बीपीनगरमा कार्यरत प्रहरी सहायक हवल्दार बहादुर सिंह पालीको निधन भएको छ। डडेलधुराको भागेश्वर गाउँपालिका-५, रूपालका ३६ वर्षीय पालीको बुधबार बिहान ९ बजे मृत्यु भएको हो।
उनी ड्युटीमा रहेका बेला बिहान ३:१५ बजे अचानक छातीमा दुखाइ महसुस गरी बेहोस भएका थिए। त्यसपछि उनलाई छिटोबारी स्थानीय बिपिनगर पोलिक्लिनिक पुर्याइयो। त्यहाँ प्राथमिक उपचार पछि, उनलाई सेती प्रादेशिक अस्पताल, धनगढी पठाइएको थियो, जहाँ उपचारका क्रममा उनको निधन भएको जिल्ला प्रहरी कार्यालय डोटीका प्रहरी उपरिक्षक विनोद शर्माले जानकारी दिए।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
