एजेन्सी । मोरक्कोले नेदरल्याण्ड्सलाई पेनाल्टी सुटआउटमा ३–२ ले हराउँदै विश्वकप फुटबलको अन्तिम १६ मा स्थान बनाएको छ।
निर्धारित ९० मिनेटको खेलमा दुवै टोलीले १–१ गोलको बराबरी खेलेका थिए। खेलको ७२औं मिनेटमा कोडी गाक्पोले गोल गर्दै नेदरल्याण्ड्सलाई अग्रता दिलाएका थिए। खेल सकिनै लाग्दा, इन्जुरी समयमा इस्सा डिओपले मोरक्कोका लागि बराबरी गोल गरेपछि खेल अतिरिक्त समयमा पुगेको थियो।
अतिरिक्त समयमा पनि कुनै टोलीले गोल गर्न नसकेपछि खेलको निर्णय पेनाल्टी सुटआउटबाट गरिएको थियो। पेनाल्टीमा मोरक्कोले उत्कृष्ट प्रदर्शन गर्दै ३–२ को जित निकाल्यो। निर्णायक पेनाल्टी इस्माइल साइबारीले सफलतापूर्वक गोलमा परिणत गरेका थिए।
यस जितसँगै मोरक्को विश्वकपको अन्तिम १६ मा पुगेको छ। अब मोरक्कोले जुलाई ४ मा हुने प्रि–क्वार्टरफाइनल खेलमा क्यानडासँग प्रतिस्पर्धा गर्नेछ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
