नेपाल शैक्षिक परामर्श व्यवसायी संघ ईक्यानबाट १६ औँ वनभोज कार्यक्रम सम्पन्न

काठमाडौँ, १३ फागुन ।नेपाल शैक्षिक परामर्श व्यवसायी संघ ईक्यानले धुलिखेलमा रहेको दुर्सीत थानी हिमालयन रिसोर्टमा १६ औँ वनभोज कार्यक्रम आयोजना गरेको छ । फागुन १२ गते शनिबारका दिन आयोजना गरिएको वनभोज कार्यक्रममा  ईक्यानका अध्यक्ष शेषराज भट्टराईले सम्पूर्ण ईक्यानका पदाधिकारी तथा सदस्यहरु साथै शैक्षिक परामर्श व्यवसायीहरूमा स्वागत मन्तव्य व्यक्त गर्नु भएको थियो । शैक्षिक परामर्श व्यवसायीहरूको उल्लेखनीय उपस्थिती रहेको उक्त वनभोज कार्यक्रममा नृत्य, गायन, गेम तथा विभिन्न मनोरञ्जनात्मक गतिविधिहरूको आयोजना गरिएको थियो ।  शैक्षिक परामर्श व्यवसायी संघ ईक्यानले आयोजना गरेको वनभोज कार्यक्रमले परामर्श व्यवसायीहरु बिच परिचयात्मक वातावरण बनेको तथा यसले व्यवसायीहरुमा स्वच्छ प्रतिस्पर्धा तथा सहकार्यको भावना विकास गर्न सहयोग पुग्ने शैक्षिक परामर्श व्यवसायी संघ ईक्यानका सचिव भवनाथ हुमागाईले बताउनु भएको थियो ।

इक्यानका महासचिव दिपक भुसाल ले कार्यक्रम संचालन गर्नु भए को थियो। ‘वनभाेज कार्यक्रममा गायिक इन्दिरा जाेशीले गीत गाउँदै सबैलाई नचाएकी  थिइन्। कार्यक्रममा शैक्षिक परामर्श व्यवसायी महासंघका संयाेजक राजेन्द्र बराल, शैक्षिक परामर्श व्यवसायी संघ, नेपाल (एप्क्यान) अध्यक्ष प्रज्जवल बस्नेत, स्वतन्त्र शैक्षिक परामर्श संघ नेपाल (फेकन) अध्यक्ष राजु निराैला लगायतका उपस्थिति रहेकाे थियाे।

वनभोज कार्यक्रमलाई वेवस्टर युनिभर्सिटीले मुख्य प्रायोजन गरेको थियाे। प्रायोजकहरूमा एप्लाई ग्लाेबल, युनिभर्सिटी अफ ब्रिजपाेर्ट, सुमेघ, हेलमेट, जेएलइसीटी, स्काइ लाइन ट्राभल, एल्मिला ट्राभल एण्ड टुर्स, जीसट, एनएमबि वैंक लगायतका रहेका छन्।

Where memories are Made’ भन्ने नाराका साथ इक्यानमा आवद्ध भएका सम्पूर्ण परामर्श व्यवसायी बीचमा सम्पर्क र सम्बन्ध विस्तार गर्ने उद्देश्यले कार्यक्रमको आयोजना गरिएको इक्यान अतिरिक्त क्रियाकलाप (ECA) विभाग प्रमुख एवं वनभोज कार्यक्रमका संयोजक गोविन्द खनालले जानकारी दिए।

कार्यक्रम सफल बनाउन सहयोगी गर्ने सम्पुर्ण सहयोगी हातहरूलाई धन्यवाद व्यक्त गर्दै कार्यक्रमको समापन गरिएको थियो ।