ललितपुर नापी कार्यालयका सर्वेक्षकसहित तीन जना घुससहित पक्राउ

काठमाडौँ, १० माघ । ललितपुरनापी कार्यालयका सर्वेक्षक रामवीर यादवसहित तीन जना २ लाख ५० हजार घुससहित पक्राउ परेका छन् ।

मंगलबार अख्तियार दुरुपयोग अनुसन्धान आयोगले गरेको स्टिङ अपरेसनमा नापी सर्वेक्षक रामवीर यादव, लेखापढी व्यवसायी दिनेश बन्जरा र विनोद अधिकारी २ लाख ५० हजार घुससहित पक्राउ परेका हुन् ।

आयोगका अनुसार उनीहरूले घुस मागिरहेको सूचनाका आधारमा अख्तियारले स्टिङ अपरेसन गरेको थियो । नीहरूमाथि थप अनुसन्धान भइरहेको आयोगले जनाएको छ ।