एशिया कप अन्तर्गत नेपाल र भारतको विचको खेलमा,नेपालले प्रर्दशन गरेको खेलप्रति चौतर्फि प्रशंसा

काठमाडौँ, १९ भाद्र । एसिया कप २०२३ को दोस्रो खेलमा भारतले नेपाललाई १० विकेटले पराजित गरेको छ । वर्षाले अवरुद्ध भएको यो खेल श्रीलंकाको पल्लेकेले स्टेडियममा भएको थियो । भारतीय कप्तान रोहित शर्माले टस जितेर पहिले बलिङ गर्ने निर्णय गरेका थिए । पहिले ब्याटिङ गरेको नेपालले ४८.२ ओभरमा २३० रन बनाएको थियो । त्यसपछि वर्षाका कारण खेल लामो समय रोकिएको थियो ।

डकवर्थ लुइस नियम अन्तर्गत टीम इन्डियालाई २३ ओभरमा १४५ रनको लक्ष्य थियो। जवाफमा भारतले २०.१ ओभरमा १० विकेटले जित हात पारेको थियो । कप्तान रोहित शर्मा ७४ रनमा अविजित रहे भने शुभमन गिल ६७ रनमा अविजित रहे । यो जितसँगै भारत सुपर फोरमा पुगेको छ ।

रोहित शर्माको अर्धशतक
कप्तान रोहित शर्माले ३९ बलमा अर्धशतक बनाए । उनले सोमपाल कामीको बलमा चौका प्रहार गर्दै अर्धशतक पूरा गरे। यो उनको एकदिवसीय करियरको ४९ औं अर्धशतक थियो। १३ ओभरपछि भारतको स्कोर कुनै विकेट नगुमाई ९६ रन  थियो । हाल रोहित ५३ र शुभमन ४१ रन बनाएर क्रिजमा  थिए । भारतलाई ६० बलमा ४९ रन आवश्यक थियो ।

शुभमन गिलको पनि अर्धशतक 
रोहित शर्मापछि शुभमन गिलले पनि अर्धशतक बनाए । उनले एकदिवसीय करियरको आफ्नो सातौं अर्धशतक ४७ बलमा बनाए। भारतले १६ ओभरमा बिना विकेट गुमाएर १२० रन बनाएको थियो। टीम इन्डियालाई अब ४२ बलमा २५ रन आवश्यक छ । हाल रोहित ६१ र शुभमन ५४ रन बनाएर क्रिजमा थिए ।

यसअघि श्रीलंकाको क्यान्डी रंगशालामा टस हारेर पहिला ब्याटिङमा उत्रेको नेपालका लागि आसिफ शेखले ५८ रन र सोमपाल कामीले ४८ रनको उत्कृष्ट इनिङ्स खेले । नेपालका कुशल भुर्तेल र आसिफ शेखले राम्रो सुरुवात गरेका थिए । भारतीय टिमको फिल्डिङ निकै निराशाजनक रह्यो । श्रेयस अय्यर, विराट कोहली र इशान किशनले सुरुका केही ओभरमा तीन सहज क्याच छोडे। त्यसको फाइदा उठाउँदै कुशल र आसिफले पहिलो विकेटका लागि ६५ रनको साझेदारी गरे । यो साझेदारी शार्दुल ठाकुरले तोडेका थिए । उनले कुशललाई विकेटकिपर इशानले क्याच आउट गराए । कुशलले २५ बलमा तीन चौका र दुई छक्का प्रहार गर्दै ३८ रन बनाउन सके ।

त्यसपछि रविन्द्र जडेजाले भीम शार्की (७), कप्तान रोहित पौडेल (५) र कुशल मल्ल (२) लाई प्याभिलियन पठाए । यसपछि आसिफले गुलशन झासँग ३१ रनको साझेदारी गरे । यसैबीच आसिफले आफ्नो अर्धशतक पूरा गरे । उनी ९७ बलमा ८ चौकाको मद्दतले ५८ रन बनाएर सिराजको हातमा क्याच आउट भए । गुलशनलाई पनि सिराजले विकेटकिपर इशान किशनले क्याच दिए । त्यसपछि दीपेन्द्र सिंह ऐरी र सोमपाल कामीले सातौं विकेटका लागि ५० रनको साझेदारी गरे । हार्दिकले दीपेन्द्रलाई एलविडब्लु दिए । उनले २५ बलमा तीन चौकाको मद्दतले २९ रन बनाउन सके ।

सोमपालले अर्को छेउबाट रन बनाउन जारी राखे र केही उत्कृष्ट शटहरू प्रहार गरे। सोमपाल ५६ बलमा एक चौका र दुई छक्काको मद्दतले ४८ रन बनाएर आउट भए । सन्दीप लामिछाने ९ रन बनाएर रनआउट भए । सोही क्रममा सिराजले ललित राजवंशीलाई बोल्ड गर्दै नेपालको इनिङ्स २३० रनमा समेटेका थिए । सबैभन्दा ठूलो कुरा के हो भने भारतीय बलरहरु पहिलो पटक एसिया कप खेलेको नेपाल जस्तो टिमलाई आउट गर्न संघर्ष गरिरहेको देखियो । यस्तो अवस्थामा यो बलिङ लाइनअपसँग बलियो टोलीविरुद्ध जाने प्रश्न उठेको छ । सिराज र जडेजाका अलावा शामी, हार्दिक र शार्दुलले एक एक विकेट लिए । सिराजले अवश्य तीन विकेट लिए, तर उनले ९.२ ओभरमा ६१ रन दिए। शार्दुलले चार ओभरमा २६ रन दिए ।

आसिफ शेखको अर्धशतक
नेपालका ओपनिङ ब्याट्सम्यान आसिफ शेखले आफ्नो एकदिवसीय करियरको नवौं अर्धशतक प्रहार गरेका छन् । उनले ८८ बलमा अर्धशतक पूरा गरे । २८ ओभरपछि नेपालको स्कोर चार विकेटमा १२३ रन छ । हाल आसिफ शेख ५५ र गुलशन झा १२ रन बनाएर क्रिजमा थिए । रविन्द्र जडेजाले तीन विकेट लिए । उनले भीम शार्की, रोहित पौडेल र कुशल मल्ललाई आउट गरेका थिए । भुर्तेललाई शार्दुल ठाकुरले प्याभिलियन पठाए ।

पहिलो पटक एसिया कप खेलेको नेपालको दोस्रो खेल भारतसँग खेलेको हो । नेपाल पहिलो खेलमा पाकिस्तानसँग पराजित भएको थियो । त्यस्तै, भारतको पाकिस्तानसँगको पहिलो खेल वर्षाले प्रभावित भएको थियो । नेपाल र भारतले पहिलो पटक अन्तर्राष्ट्रिय क्रिकेट  खेल र देखाएको प्रर्दशनमा चौतर्फि प्रशंसा पाएका छन्। खेललाई समर्थन दिन १५०० देखि २००० नेपाली पनि मैदान बाहिरबाट नेपालको नाम लिई रहेको देख्न सकिन्थ्थो।

समूह ‘ए’ बाट पाकिस्तान पहिलो र भारत दोस्रो स्थानमा रहँदै सुपर फोरमा पुग्यो । समूह बी मा रहेको श्रीलंका, बंगलादेश र अफगानिस्तानको सुपर फोरमा पुग्ने बाटो खुला छ । सुपर फोर राउण्ड सेप्टेम्बर ६ बाट सुरु हुनेछ। सेप्टेम्बर १० मा भारत र पाकिस्तान फेरि भिड्दैछन् । खेल कोलम्बोको आर प्रेमदासा स्टेडियममा हुनेछ ।