भारतबाट घटेर आयो पेट्रोलियम पदार्थकाे मूल्य

काठमाडौँ, २ जेठ । भारतीय आयल कर्पोरेसन (आईओसी)बाट पेट्रोलियम पदार्थको मुल्य घटेर आएको छ ।

आईओसीले नेपाल आयल निगमलाई पठाएको नयाँ मुल्य सुची अनुसार पेट्रोलियम पदार्थको मूल्य घटेर आएको हो । यसपटक अघिल्लो पटकको भन्दा पेट्रोल प्रतिलिटर ९ रुपैयाँ ५२ पैसा तथा डिजल ८ रुपैयाँ १३ पैसाका दरले मुल्य घटेर आएको निगमले जनाएको छ ।

निगम र आइओसीबीच १५÷१५ दिनमा नयाँ मूल्य कायम हुने सम्झौता छ। जसअनुसार आइओसीले मे १६ तारिखमा इन्धनको नयाँ मूल्य सूची पठाएको हो।

अन्तर्राष्ट्रिय बजारमा मूल्य घटेका कारण आईओसीले पनि सोही अनुसार घटेको मूल्य निगमलाई पठाएको हो।

डिजेल, पेट्रोलको मूल्य घटेर आएपछि निगमले स्वचालित बिधिवाट मूल्य घटाउँछ। तर, निगमले भने घाटा परिपुर्ति गर्न भन्दै पेट्रोलिय पदार्थको मुल्य घटाएको छैन ।

पछिल्लो समय अन्तर्राष्ट्रिय बजारमा कच्चा तेलको मूल्य घट्दै आएको छ।

निगमले अहिले पेट्रोल १७५ रूपैयाँ प्रतिलिटर र डिजेलको १६५ रूपैयाँ प्रतिलिटरमा बेचिरहेको छ।