चार एआईजीको पदस्थापन, सीआईबीमा किरण बज्राचार्य

काठमाडौँ, १५ चैत । नेपाल प्रहरीका अतिरिक्त महानिरीक्षक (एआइजी) हरूको पदस्थापन भएको छ। मंगलबारको बसेको मन्त्रिपरिषद बैठकले केही दिन अघि बढुवा भएका चार एआईजीहरुको पदस्थापन गरेको हो।

बैठकले काठमाडौं उपत्यका प्रहरी कार्यालय रानीपोखरीमा एआइजी श्याम ज्ञवालीको पदस्थापन गर्ने निर्णय गरेको हो। त्यसैगरी केन्द्रीय अनुसन्धान ब्यूरो )सीआईबी) मा किरण बज्राचार्यलाई पठाइएको छ।

टेकप्रसाद राईलाई राष्ट्रिय प्रहरी प्रशिक्षण प्रतिष्ठानमा पदस्थापन गरेको छ। दीपक थापालाई भने प्रहरी प्रधान कार्यालयको प्रशासन विभागमा राखिएको छ।

यसअघि प्रहरी नायब महानिरीक्षक (डिआइजी) हुँदा उनीहरूले प्रदेश प्रमुखको जिम्मेवारी सम्हालेका थिए।

बसन्त बहादुर कुँवरसँगै पाँचै जना एकसाथ एआईजीमा बढुँवा भएका उनीहरुको पदस्थापना भएको हो । मन्त्रिपरिषदको बैठकले आईजीपीमा भने कुँवरलाई नियुक्त गरेको हो ।