पुर्व विदेश मन्त्रि रहेका फुमिओ किशिडा पार्टी भोट पछि जापानको प्रधानमन्त्री बन्ने

अन्तराष्ट्रिय सञ्चारमाध्यमका अनुसार जापानका पूर्व विदेशमन्त्री फुमिओ किशिडा जापानको आगामी प्रधानमन्त्री बन्ने भएका छन् । सत्तारुढ पार्टी लिबरल डेमोक्रेटिकको बुधबार भएको आन्तरिक निर्वाचनमा जित हात पार्दै उनी पार्टीको प्रमुख नेतामा चुनिएका हुन् । जापानको संसद्को दुवै सदनमा लिबरल डेमोक्रेटिक पार्टीको बहुमत छ ।

किशिडाले बुधबार भएको निर्वाचनमा कोनोलाई पराजित गरेका हुन् । दुई चरणमा सम्पन्न भएको निर्वाचनमा ६४ वर्षीयकिशिडाले २५७ भोट पाएका थिए भने प्रतिद्धन्द्धि खोपमन्त्री तारो कोनोले १७० भोट मात्र पाएका थिए । पहिलो चरणको निर्वाचनमा दुवैले स्पष्ट बहुमत पाउन नसकेपछि दोस्रो चरणको निर्वाचन गराइएको थियो ।