एशियन हाइड्रोपावरको आईपीओ खुल्यो

काठमाडौँ, २७ माघ । एशियन हाइड्रोपावर कम्पनी लिमिटेडले आज शुक्रबारदेखि सर्वसाधारणका लागि आईपीओ निष्काशन तथा बिक्री खुला गरेको छ ।

यसअघि आयोजना प्रभावित स्थानीय र बैदेशीक रोजगारका नेपालीहरुका लागि पहिलो चरणमा आईपीओ बिक्री गरेर बाँकी रहेको आईपीओ दोस्रो चरणमा सर्वसाधारणका लागि बिक्री खुल्ला गरेको हो ।

कम्पनीले जारी पूँजीको ३४ करोड रुपैयाँको ३४।७१ प्रतिशतले दरले हुने आउने ११ करोड ८० लाख रुपैयाँ बराबरको शेयर निष्काशनमा ल्याएको हो । त्यसमध्ये १० प्रतिशत अर्थात ३ करोड ४० रुपैयाँ बराबरको ३ लाख ४० हजार कित्ता शेयर आयोजना प्रभावित स्थानिय बासिन्दालाई निष्काशन गरिसकेको छ । बाँकी रहेको ८ करोड ४० लाख रुपैयाँ बराबरको ८ लाख ४० हजार कित्ता शेयर सर्वसाधारणको लागि निष्काशनमा ल्याएको हो ।

त्यसमध्ये पनि १० प्रतिशत अर्थात ८४ लाख रुपैयाँ बराबरको ८४ हजार कित्ता वैदेशिक रोजगारीमा रहेका नेपालीहरुलाई, २ प्रतिशत अर्थात १६ हजार ८०० कित्ता शेयर कम्पनीका कार्यरत कर्मचारीहरुलाई र ५ प्रतिशत अर्थात ४२ हजार कित्ता शेयर सामुहिक लगानी कोषलाई छुट्टाएर बाँकी रहने ६ लाख ९७ हजार २०० कित्ता शेयर सर्वसाधारणको लागि निष्काशनमा ल्याएको हो ।

आईपीओमा फागुन २ गतेसम्म आवेदन दिन सकिने कम्पनिले जनाएको छ । यसअवधिमा आईपीओ विक्रि हुन नसके फागुन १२ गतेसम्मको समय तोकिएको छ । आईपीओमा न्यूनतम १० कित्तादेखि अधिकतम २० हजार कित्तासम्म आवेदन दिन सकिनेछ ।

कम्पनीको शेयर निष्काशन तथा बिक्री प्रबन्धकमा एनएमबि क्यापिटल लिमिटेड रहेको छ । बिक्री प्रबन्धकसँगै लगानीकर्ताले सि–आस्बा सदस्य सम्पूर्ण बैंक तथा वित्तीय संस्था र तिनका शाखा कार्यालयहरूबाट आवेदन दिन सक्नेछन् । साथै मेरो शेयर अनलाइनमार्फत पनि आवेदन दिन सकिने व्यवस्था छ ।