समानुपातिक मतगणनामा एमाले २७ लाख ८८ हजार मतकासाथ अग्रता स्थानमा

काठमाडौँ  ,१८ मंसिर | प्रतिनिधिसभाको समानुपातिक निर्वाचनतर्फ  नेकपा (एमाले) ले आफ्नो अग्रता कायमै राखेको छ । एक करोड चार लाख २० हजार १२५ मतगणना हुँदा नेकपा एमालेले २७ लाख ८८ हजार मत कटाएको छ । आइतबारसम्मको गणनामा एमालेले २७ लाख ८८ हजार १२५ मत प्राप्त गरेको छ ।

दोस्रो स्थानमा नेपाली कांग्रेस रहेको छ । कांग्रेसले २६ लाख ६० हजार २४६ मत प्राप्त गरेको छ । नेकपा माओवादी केन्द्र ११ लाख ६२ हजार १२४ मतसहित तेस्रो स्थानमा छ । राष्ट्रिय स्वतन्त्र पार्टीले ११ लाख २४ हजार ५४३ ,राष्ट्रिय प्रजातन्त्र पार्टीले पाँच लाख ८६ हजार ६३८  , जनता समाजवादी पार्टीले चार लाख २० हजार ९४६ मत प्राप्त गरेका छन् ।