समानुपातिकतर्फ पहिलो एमाले ,दोस्रो स्थानमा कांग्रेस

काठमाडौँ  ,१४ मंसिर | निर्वाचन आयोगका अनुसार बुधबारसम्मको गणनामा नेकपा एमालेले समानुपातिकतर्फ पहिलो स्थानमा रहेको छ । नेकपा एमालेले २७ लाख तीन हजार ९५७ मत पाएको छ ।

नेपाली कांग्रेसले २५ लाख ६४ हजार २८७ मत पाएर समानुपातिकतर्फ दोस्रो स्थानमा छ । नेकपा माओवादी केन्द्रले ११ लाख ४६ हजार ७३३ मतसहित तेस्रो स्थानमा छ ।

राष्ट्रिय स्वतन्त्र पार्टीले १० लाख ९९ हजार २२८ मत पाएको छ । राष्ट्रिय प्रजातन्त्र पार्टीले पाँच लाख ७१ हजार ९१२ मत ल्याउँदा जनता समाजवादी पार्टीले चार लाख दुई हजार ७७१ मत प्राप्त गरेको छ ।