म माथि लागेको आरोप काभ्रेली जनताले खारेज गरिदिए:बाँस्कोटा

काठमाडौँ  ,९ मंसिर | काभ्रेपलाञ्चोक२ मा नेकपा (एमाले)का गोकुलप्रसाद बाँस्कोटा निर्वाचित भएका छन्।  बाँस्कोटाले मुख्य प्रतिस्पर्धी लोकतान्त्रिक वाम–गठबन्धनका तर्फबाट नेपाली कांग्रेसका उम्मेदवार  शिवप्रसाद हुमागाईंसँग ५ हजार ८ सय ६३ मतान्तरले विजयी भएका हुन्।निर्वाचित भएपछि हाज शुक्रबार बनेपामा सञ्चारकर्मीसँग कुराकानी गर्दै बास्कोटाले आफूमाथि मिथ्या आरोप लागेको भन्दै काभ्रेली जनताले त्यसलाई खारेज गरिदिएको बताएका छन् ।

बास्कोटाले भने ,” म माथि अनावश्यक रूपमा त्यस्तो आरोप लगाइयो , चुनावका बेला अरु कुनै मुद्दा नपाएपछि विपक्षीले त्यस्तो प्रचार गर्ने नै भए , हामी देशको कानुन र संविधानअनुसार काम गर्छौं । त्यो आरोप अब इतिहासको गर्तमा विलिन भइसक्यो । अहिलेको निर्वाचनमा ममाथि लागेको आरोप काभ्रेली जनताले खारेज गरिदिएको छ ” ।