मध्यरातिबाट निर्वाचनको  मौन अवधि  सुरु

काठमाडौँ  ,१ मंसिर | ४ मंसिरको  प्रतिनिधिसभा र प्रदेशसभा निर्वाचनका लागि आज (बिहिबार) राति १२ बजेबाट निर्वाचनको  मौन अवधि  सुरू हुँदैछ ।उम्मेदवारले आज राति १२ बजेभन्दा अगाडिसम्म मात्र अन्तिम चुनावी प्रचार गर्न पाउनेछन् ।

बिहिबार राति १२ बजेपछि कुनै पनि उम्मेदवार र राजनीतिक पार्टीलाई निर्वाचन प्रचारप्रसारसँग सम्बन्धित गतिविधिमा रोक लगाइएको हो ।मतदान नसकिएसम्म मौन अवधि कायम रहनेछ । निर्देशिका विपरीत मौन अवधिमा मतदाता प्रभावित पार्ने गतिविधि गरे उम्मेदवारी रद्ददेखि १ लाख रुपैयाँ जरिवानासम्मको कारबाही हुन सक्ने निर्वाचनसम्बन्धी कानुनमा उल्लेख छ  ।

निर्वाचन कसुर तथा सजाय ऐन अनुसार निर्वाचन हुनु ४८ घण्टा अघिदेखि निर्वाचनकाे प्रचार लक्षित कुनै पनि कार्यक्रम गर्न पाइँदैन । मौन अवधिमा  सामाजिक सञ्जालमार्फत मत माग्न र निर्वाचन प्रचार प्रसार गर्न  पाइदैन् ।