चितवनका उम्मेदवार उमेश श्रेष्ठको गाडीमा तोडफोड

काठमाडौँ  ,३० कात्तिक  | आज विहान ११ बजे प्रतिनिधिसभा चितवन क्षेत्र नम्बर २ का उम्मेदवार उमेश श्रेष्ठ सवार गाडीमा तोडफोड भएको छ। भरतपुरमा रोकिराखेको अवस्थामा श्रेष्ठको गाडी अज्ञात समूहले तोडफोड गरेका हुन् ।

चुनावी अभियानमा श्रेष्ठ चढ्ने गरेको बा ३ च २०४० नम्बरको गाडीको सिसा फुटेको छ। मोटरसाइकलमा आएका तीन जनाले ढुंगा हानेर गाडीका सिसा फुटाएको र उक्त समूहको खोजी भइरहेको चितवन प्रहरीले जनाएको छ।

अहिले सिसिटिभी फुटेज हेर्ने काम भएको जिल्ला प्रहरी कार्यालय चितवनका प्रहरी प्रवक्ता विजयराज पण्डितले  बताए। श्रेष्ठ राज्यमन्त्रीका साथै  गठबन्धनका साझा उम्मेद्वार हुन्।