गुरु नानक जयन्तीको अवसरमा राष्ट्रपतिबाट शुभकामना सन्देश

काठमाडौँ, कात्तिक २२।हरेक वर्षको कार्तिक शुक्ल पूर्णिमाको दिन सिख धर्मावलम्बीहरूद्वारा आस्था र भक्तिभावका साथ सिख धर्मका प्रवर्तक गुरु नानकको जन्मजयन्ती मनाउने गरिन्छ ।यहिँ अवसरमा  राष्ट्रपति विद्यादेवी भण्डारीले  शुभकामना दिनुभएको छ । उहाँले सिख धर्मावलम्बीहरूको विशेष पर्व गुरु नानक जयन्तीको अवसरमा विश्वभर छरिएर रहनुभएका सम्पूर्ण सिख धर्मावलम्बी दिदीबहिनी तथा दाजुभाइहरूमा सुख, शान्ति तथा समृद्धिका लागि हार्दिक शुभकामना व्यक्त गर्नुभएको हो ।

“समाजमा विद्यमान सबै प्रकारका विकृति, विसङ्गति एवं विभेदको अन्त्य गर्दै समतामूलक, सभ्य र सुसंस्कृत समाज निर्माणका लागि अग्रसर हुन गुरुनानक जयन्तीबाट सबैलाई प्रेरणा मिल्नेछ भन्ने विश्वास लिएको छु ” , राष्ट्रपतिको सन्देशमा भनिएको छ ।