झापामा भतिजलाई गोली प्रहारगरि काकाद्धारा आत्महत्या

काठमाडौँ  ,२ कार्तिक |  झापा गौरादह नगरपालिका–८ का ३५ वर्षीय जीवन साहले   भतिजलाई गोली प्रहार गरेपछि आत्महत्या गरेका छन् ।साहले विवाद हुदाँ १५ वर्षका हेमराज साहलाई गोली हानेका जिल्ला प्रहरी कार्यालय झापाले जनाएको छ ।

भतिजलाई गोली हानी फरार  साहले घरभन्दा एक सय मिटर उत्तर सुकुना खोला किनारमा पुगेर आफैँले  गोली हानेर ज्यान गएको प्रहरीले जनाएको छ ।

गम्भीर अवस्थामा फेला परेका भतिज हेमराजको बीएण्डसी अस्पताल बिर्तामोडमा उपचार भइरहेको छ ।

घटनास्थलबाट  प्रहरीले कटुवा पेस्तोल एक थान, म्यागजिन दुई थान, गोलीको खोका एक थान र १५ राउण्ड गोली फेला पारेको छ ।

यस सम्बन्धमा प्रहरीले आवश्यक अनुसन्धान गरिरेहको छ ।