मञ्जु खाँणलाई पार्टीले फलो गरेको छैन:प्रकाशरण महत

काठमाडौँ ,२ जेठ | नेपाली कांग्रेसका प्रवक्ता डा. प्रकाशरण महतले नक्कली भुटानी शरणार्थी प्रकरणको अनुसन्धानमा पार्टीले सहयोग गर्ने बताएका छन् । नक्कली भुटानी शरणार्थी प्रकरणमा स्वतन्त्र र निष्पक्ष छानविन हुनुपर्ने समेत  उनले बताए ।मंगलबार पत्रकार सम्मेलन गर्दै प्रवक्ता डा. प्रकाशशरण महतले यस्तो बताएका हुन् ।

डा. महतले मञ्जु खाँणलाई पार्टीले फलो नगरेको बताए   । प्रवक्ता डा. महतले भने ,  ‘मञ्जु खाँण कहाँ हुनुहुन्छ पार्टीले फलो गरेको छैन ’  । यस प्रकरणमा पार्टी सभापति शेरबहादुर देउवाले पनि निष्पक्ष र स्वतन्त्र अनुसन्धान होस् भनिरहेको उनले बताए ।

उनले जो कोही भएपछि यस प्रकरणमा दोषीलाई कारबाही हुनुपर्ने बताएका छन् ।