बढ्यो नेप्से परिसूचक

काठमाडौँ, ८ जेठ । शेयर बजार आज लगातार पाँचौ दिन पनि बढेको छ । शेयर बजार परिसूचक नेप्से आज ८ दशमलव १० अङ्कले बढेर १ हजार ८९१ दशमलव ३१ बिन्दुमा पुगेको छ।

बजार बढे पनि कारोबार रकम घटेको यसदिन २७२ वटा कम्पनीका ३४ लाख ९५ हजार कित्ता शेयर १ अर्ब २७ करोड ८७ लाख रुपैयाँमा कारोबार भएका छन् ।

बैंक र व्यापार समूहको शेयर सामान्य घटेको छ भने बाँकी सबै समूहको शेयर उकालो लागेको छ ।

आज सबैभन्दा धेरै शिवम् सिमेन्टको ७ करोड ३४ लाख रुपैयाँको शेयर किनबेच भयो ।

आज सबैभन्दा धेरै आत्मनिर्भर लघुवित्तको शेयर १० प्रतिशत र युनिलिभर नेपालको शेयर सात प्रतिशतले बढेको छ । समग्रमा बजार बढेको दिन आज ग्रिनलाइफ हाइड्रोपावर कम्पनीको शेयर सबैभन्दा धेरै साढे ७ प्रतिशतले घटेको छ ।