भ्रष्टाचारका ठूला फाइल खोल्न प्रधानमन्त्री दाहाललाई राजेन्द्र लिङ्देनको आग्रह

काठमाडौँ, २४ बैशाख । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले भ्रष्टाचारका ठूला फाइल खोल्न प्रधानमन्त्री पुष्पकमल दाहाल ‘प्रचण्ड’लाई आग्रह गरेका छन् । पार्टी निकट महिला संगठनको महाधिवेशनलाई आइतबार उद्घाटन गर्दै अध्यक्ष लिङ्देनले वाइडबडी, लडाकु शिविरलगायतको फाइल खोल्न प्रधानमन्त्रीसँग आग्रह गरेका हुन् ।

‘लामो समयदेखि नक्कली शरणार्र्थी बनाएर विदेश पठाउने व्यापारमा लागेका रहेछन् । अहिले केही मानिसहरू पक्राउमा परेका छन् । एकपछि अर्को उच्च पदस्थ मानिसहरूको नाम आइरहेको छ । म यहीँबाट सरकारलाई भन्न चाहन्छु– यो छानबिनको क्रम जसरी अगाडि बढेको छ । विगतका वाइडबडी काण्ड, ललिता निवास, एनसेल काण्डजस्तै यो काण्ड सेलाएर जान हुँदैन । यो देखाउनका लागि मात्रै हुनु हुँदैन, लिङ्देनले भने ।’

उनले प्रधानमन्त्रि प्रचण्डले ठूला भ्रष्टाचारका फाइलहरू खोले सरकारलाई आफ्नो पार्टीको समर्थन गर्ने पनि बताए ।
उनले भने, ‘उहाँले वाइडबडी लगायतको फाइल खोल्नुपर्छ । प्रचण्ड कति वर्ष सरकारमा बस्ने हो राप्रपा समर्थन गर्न तयार छ ।’

क्यान्टोनमेन्टको घोटाला काण्ड उहाँकै शिरमाथि लागेको छ, त्यो के हो ? फाइल खोलेर उहाँले त्यसलाई आफू चोखो छु भन्ने प्रमाणित गरिदिनुपर्‍यो,’ उनले भने, ‘तर, भ्रष्टाचारको डंगुरमाथि बसेर शुद्धताको मन्त्र उच्चारण गर्‍यो भने लामो समय पत्याइँदैन यो कुरालाई।’

लिङदेनले क्यान्टोनमेन्टको घोटालामा माओवादी केन्द्रका अध्यक्ष पुष्पकमल दाहाल प्रचण्डको नाम जोडिएकोले छानविन गर्न पनि माग गरे । उनले क्यान्टोनमेन्टको घोटालामा चोखो भएर बाहिर निस्कन चुनौती समेत दिए ।
क्यान्टोनमेन्टको घोटालाकाण्ड उहाँकै शिरमाथि लागेको छ, त्यो के हो रु फाइल खोलेर उहाँले त्यसलाई आफू चोखो छु भन्ने प्रमाणित गरिदिनुपर्‍यो,’ उनले भने, ‘तर, भ्रष्टाचारको डंगुरमाथि बसेर शुद्धताको मन्त्र उच्चारण गर्‍यो भने लामो समय पत्याइँदैन यो कुरालाई।’