देउखुरीमा दुई बस एक आपसमा ठोक्किदा एकको मृत्यु , २३ जना  घाइते

दाङ, ५ जेठ । देउखुरीमा दुई बस एक आपसमा ठोक्किदा एक जनाको मृत्यु भएको छ भने २३ जना  घाइते भएका छन् । बारा जिल्लाबाट ईटा भट्टामा काम गरेर घर रोल्पा फर्किदै गरेका मजदुर सवार बस दुर्घटनामा परेको हो ।

शुक्रबार बिहान साढे ५ बजे लमहीबाट भालुवाङ तर्फ जादै गरेको लु २ ख ७८५ नम्बरको बस र विरगन्जबाट दाङको तुलसीपुर आउँदै गरेको ना ५ ख ४८९८ नम्बरको बस लमही नगरपालिका –३ फल्कापुरमा एक आपसमा बस ठोक्किएर दुर्घटना भएको हो ।

दुर्घटनामा परि मृत्यु हुनेमा रोल्पा रुन्टीगढी –७ कि ४२ वर्षिया शोभा परियार रहेकी छन् । शोभाका दुई छोरा पनि दुर्घटना घाइते भएका छन् । लु २ ख ७८५ नम्बरका चालक तुल्सीराम रामिजाल गम्भीर घाइते भएका छन् ।

घाइते मध्ये ११ जनाको अवस्था गम्भीर रहेको दाङ प्रहरीले बताएको छ ।

घाइतेहरुलाई उपचारका लागि बुटवल, भैरहवा, नेपालगन्ज लगिएको छ ।