राष्ट्रियसभा बैठक बस्दै, यस्ता छन् कार्यसूची

काठमाडौँ । राष्ट्रियसभाको बैठक आज दिउँसो १२:१५ बजे सिंहदरबारमा बस्ने भएको छ। बैठकमा विभिन्न महत्त्वपूर्ण विधेयकमाथि छलफल र निर्णय हुने कार्यसूची छ।

विधायन व्यवस्थापन समितिका सभापति कृष्णबहादुर रोकायले सार्वजनिक खरिद, सम्पत्ति शुद्धीकरण (मनी लाउन्डरिङ), सहकारी तथा स्वास्थ्य विज्ञान प्रतिष्ठानसँग सम्बन्धित संशोधन विधेयकका प्रतिवेदन सभामा पेस गर्नेछन्।

त्यसपछि अर्थमन्त्री डा. स्वर्णिम वाग्लेले आर्थिक विधेयक, २०८३ र राष्ट्र ऋण उठाउने विधेयक, २०८३ माथि दफावार छलफल गरियोस् भन्ने प्रस्ताव राख्नेछन्। छलफलपछि दुवै विधेयक पारित गरी प्रतिनिधिसभामा फिर्ता पठाउने प्रस्ताव पनि पेश गरिनेछ। आजको बैठकमा सरकारका आर्थिक र कानुनी विषयसँग सम्बन्धित महत्त्वपूर्ण निर्णय हुने अपेक्षा गरिएको छ।