अपाङ्गमैत्री बन्दै सिंहदरबार ,अशक्त कर्मचारी र सेवाग्राहीलाई ह्वीलचियरको व्यवस्था

काठमाडौँ ।  सिंहदरबारभित्र शारीरिक रूपमा अशक्त, ज्येष्ठ नागरिक र अपाङ्गता भएका व्यक्ति तथा कर्मचारीका लागि ह्वीलचियर र सहयोगी कर्मचारीको व्यवस्था सुरु गरिएको छ। प्रधानमन्त्री तथा मन्त्रिपरिषद्को कार्यालयबाट मुख्यसचिव सुमनराज अर्यालले यो सेवाको सुरुआत गरेका हुन्। अब कार्यालयमा काम लिएर आउने वा काम गर्ने व्यक्तिले शारीरिक अवस्थाका कारण समस्या भोग्न नपर्ने सरकारको भनाइ छ।

सेवाग्राहीलाई प्रवेशद्वारदेखि सम्बन्धित शाखा वा कार्यकक्षसम्म पुर्‍याउन प्रत्येक ह्वीलचियरसँगै एक जना सहयोगी कर्मचारी रहनेछन्। सरकारले यो सुविधा नियमित रूपमा सञ्चालन गर्ने जनाएको छ। सिंहदरबारका धेरै कार्यालय अपाङ्गमैत्री बनिसकेका छन् भने बाँकी कार्यालयमा पनि सुधार गरिनेछ। आगामी दिनमा देशभरका अन्य सरकारी कार्यालयमा पनि यस्तै सुविधा विस्तार गर्ने योजना रहेको छ।