काठमाडौँ । प्रमुख प्रतिपक्षी नेपाली कांग्रेसकी सांसद हरिनादेवी कामीले होल्डिङ सेन्टरमा बसिरहेका सुकुमवासीलाई पाँच दिनभित्र ठाउँ खाली गर्न दिएको सरकारी निर्देशन फिर्ता लिन माग गरेकी छन्। बिहीबार प्रतिनिधिसभाको बैठकमा बोल्दै उनले सुकुमवासी समस्या समाधानका लागि सरकारले स्पष्ट योजना ल्याउनुपर्ने बताइन्।
सांसद कामीले केवल नगद सहायता दिएर समस्या समाधान नहुने भन्दै उनीहरूका लागि सुरक्षित आवाससहित दीर्घकालीन व्यवस्था गर्न सरकारसँग आग्रह गरिन्। उनले वास्तविक सुकुमवासीको पहिचान गरी सम्मानजनक रूपमा सहयोग उपलब्ध गराउनुपर्ने बताइन्।
उनले सरकार सुकुमवासीको समस्याप्रति गम्भीर हुनुपर्ने र तत्काल समाधानको योजना सार्वजनिक गर्नुपर्ने माग गरिन्। साथै, प्रधानमन्त्री संसद्प्रति पर्याप्त जवाफदेही नभएको आरोपसमेत लगाइन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
