नारायणगढ–मुग्लिन सडक दुईतर्फी सञ्चालनमा

काठमाडौं, असोज ३ –  चितवनको इच्छाकामना गाउँपालिका–५ स्थित तुइनखोलामा खसेको सुक्खा पहिरोका कारण अवरुद्ध भएको नारायणगढ–मुग्लिन सडक पुनः दुईतर्फी रूपमा सञ्चालनमा आएको छ।

जिल्ला प्रहरी कार्यालय चितवनका अनुसार पहिरो गएराति १०स्५५ बजे खसेर सडक पूर्ण रूपमा अवरुद्ध भएको थियो। राति ११स्५५ बजेबाट एकतर्फी रूपमा सवारी सञ्चालन सुरु गरिएको थियो भने आज बिहान ७स्१५ बजेदेखि सडक दुईतर्फी रूपमा सञ्चालनमा ल्याइएको हो।

प्रहरी नायब उपरीक्षक रवीन्द्र खनालले पहिरोसँगै खसेको ढुंगाले ना ६ ख १५२२ नम्बरको बसको अगाडिको सिसामा क्षति पुर्‍याएको जानकारी दिए।

हाल सडक सञ्चालनमा आइसकेकोले यात्रु तथा सवारी चालकहरूलाई सावधानीपूर्वक यात्रा गर्न प्रहरीले अनुरोध गरेको छ।