काठमाडौँ । सरकारले हालै ल्याएका अध्यादेशबारे आलोचना भइरहेका बेला सोविता गौतम ले त्यसको बचाउ गरेकी छन्। उनले सामाजिक सञ्जालमार्फत भिडियो सन्देश दिँदै सरकारले काम छिटो गर्नका लागि अध्यादेश ल्याएको स्पष्ट पारेकी हुन्।
अध्यादेश किन ल्याइयो भन्ने प्रश्नमा उनले भनिन् कि संसद्बाट कानुन बनाउन समय धेरै लाग्ने भएकाले केही काम ढिलो नहोस् भनेर यो बाटो अपनाइएको हो। उनका अनुसार, सबै प्रक्रिया कुर्दा आवश्यक निर्णयहरू ढिला हुने भएकाले तत्काल काम अघि बढाउन सरकारले यस्तो निर्णय गरेको हो।
मन्त्री गौतमले राष्ट्रपतिबाट जारी भएका अध्यादेशहरू पछि संसद्मा पेश गरिने र त्यहाँ सबै दलले छलफल गर्न पाउने पनि बताइन्। त्यसैले सरकारले कुनै कुरा लुकाएर नगरेको उनको दाबी छ।
विपक्षी दल र केही नागरिक समाजले भने सरकारले संसद्लाई बेवास्ता गर्दै अध्यादेशबाट शासन चलाउन खोजेको आरोप लगाएका छन्। यही आलोचनाको बीच मन्त्री गौतमले आफ्नो धारणा सार्वजनिक गर्दै सरकारको कदम आवश्यक र उचित भएको बताएकी छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
