२८ औं पटक सगरमाथाको चुचुरोमा कामीरिता शेर्पा

काठमाडौँ, ९ जेठ ।  विश्व कीर्तिमानी सगरमाथा आरोही कामीरिता शेर्पा २८ औं पटक सगरमाथा आरोहण गरेका छन् ।

सोलुका पासाङले कीर्तिमान बराबरी गरेपछि कामीरिता मंगलबार बिहान २८ औं पटक सर्वोच्च शिखर सगरमाथा पुगेका हुन् ।

कामिरिता आज आज बिहान ९ बजेर २३ मिनेटमा २८औँ पटक सगरमाथाको चुचुरोमा पुग्न सफल भएको सेभेन समिट ट्रेक्सले जनाएको छ । उनी एकै साता दुईपटक सगरमाथ आरोहण गर्न सफल भएका हुन् ।

उनले सबैभन्दा धेरै पटक सगरमाथा चढेको आफ्नो नाम पुन विश्व रेकर्ड राखेका छन् ।