नक्कली भुटानी शरणार्थी प्रकरण: प्रहरीले बुझायो अनुसन्धान प्रतिवेदन

काठमाडौँ , ८ जेठ । नेपाल प्रहरीले नक्कली भुटानी शरणार्थी प्रकरणको अनुसन्धान प्रतिवेदन सरकारी वकिलको कार्यालयलाई बुझाएको छ । झण्डै दुई महिना लामो अनुसन्धानपछि नेपाल प्रहरीले आज प्रतिवेदन बुझाएको छ ।

नक्कली भुटानी शरणार्थी प्रकरण  घटनामा एक सय छ जना पीडितबाट २३ करोड २५ लाख ठगी भएको भनी उजुरी परेको छ। प्रहरी स्रोतका अनुसार ठगी र सङ्गठित अपराधसहित केहीलाई लिखतसम्बन्धी कसुर  तथा केहीलाई देशद्रोहको पनि मुद्दा चलाउनुपर्ने रायसहितको प्रतिवेदन जानसक्ने बताइएको छ।

आरोपी ३३ मध्ये १६ जनालाई प्रहरीले पक्राउ गरिसकेको छ भने बाँकी १७ जना अझै फरार छन् ।