सहकारी पीडित जनताका समस्यालाई कांग्रेसले सदन र सडकबाट आवाज उठाउँछ:शेखर कोइराला

काठमाडौँ, जेठ १४ । नेपाली कांग्रेसका नेता डा। शेखर कोइरालाले जनताले दुःख गरेर सहकारीमा राखेको पैसा हिनामिना हुँदा पनि सरकारले केहि नगरेको मात्र मुकदर्शक बनेर बसिरहेको आरोप लगाएका छन् । नेविसंघ आयुर्वेद क्याम्पस इकाइ समितिले गरेको कार्यक्रममा बोल्दै कोइरालाले जनताले सहकारीमा गरेको बचत ठगी हुँदा पनि सरकार रमिते बनेको बताएका हुन्।

उनले भने , ‘जनताको पैसा हिनामिना हुँदा पनि सरकार मूकदर्शक बनेको छ, सहकारी पीडित जनताका समस्यालाई कांग्रेसले सदन र सडकबाट आवाज उठाएको छ।’ नेता कोइरालाले छिटो सहकारी ठगीमा समिति बनाएर अगाडि बढ्न सरकारलाई आग्रह गरेका छन् ।उनले कांग्रेसलाई कुनै पनि दलले संसदीय व्यवस्थाबारे सिकाउन जरूरी नरहेको समेत बताए।

नेता कोइरालाले कांग्रेसलाई कुनै पनि राजनीतिक दलले संसदीय व्यवस्थाको बारेमा सिकाउन नपर्ने बताए बताउँदै भने, ‘संसदीय व्यवस्थामा संसद प्रतिपक्षको भन्ने गरिन्छ तर यहाँ सत्तापक्षले प्रतिपक्षको कुरा नसुनि अगाडि बढ्न खोजेको नेता कोइरालाले आरोप लगाए ।