कांग्रेसको केन्द्रीय कार्यसमिति बैठक बस्दै

काठमाडौँ ।  नेपाली कांग्रेसले आज दिउँसो १ बजे सानेपास्थित पार्टी कार्यालयमा केन्द्रीय कार्यसमिति बैठक बस्दैछ। बैठकमा जेनजी आन्दोलनपछिको राजनीतिक अवस्था र कांग्रेसको आगामी रणनीतिबारे छलफल हुनेछ।

यो बैठक विशेष मानिएको छ, किनकि सभापति शेरबहादुर देउवा स्वास्थ्यलाभपछि पहिलोपटक सार्वजनिक हुँदैछन्। भदौ २४ गते जेनजी आन्दोलनका क्रममा प्रदर्शनकारीको आक्रमणमा परेर देउवा घाइते भएका थिए। आज उनी स्वयं बैठकको अध्यक्षता गर्नेछन्।

तर, बैठकमा छलफल हुने एजेन्डाबारे शीर्ष नेताहरूबीच अझै पूर्ण सहमति जुट्न सकेको छैन। यही कारण आइतबार बस्ने भनिएको बैठक स्थगित भई आजका लागि सारिएको हो।