काठमाडौं । सशस्त्र प्रहरी बल (एपीएफ) नेपालका नवनियुक्त महानिरीक्षक (आईजीपी) नारायणदत्त पौडेलले दर्ज्यानी चिह्न ग्रहण गरेका छन्। गृह मन्त्रालयमा आयोजित औपचारिक कार्यक्रममा गृहसचिव राजकुमार श्रेष्ठले उनलाई दर्ज्यानी चिह्न प्रदान गरेका हुन्।
मन्त्रिपरिषद्को गत सोमबार बसेको बैठकले अतिरिक्त महानिरीक्षक (एआईजी) पदमा कार्यरत पौडेललाई सशस्त्र प्रहरी प्रमुख (आईजीपी) मा बढुवा गर्ने निर्णय गरेको थियो। तत्कालीन आईजीपी राजु अर्याल १८ वैशाखदेखि अवकाशमा गएपछि पौडेलले सशस्त्र प्रहरी बलको नेतृत्व सम्हालेका हुन्।
नवनियुक्त आईजीपी पौडेलले संगठनको व्यावसायिकता, अनुशासन र कार्यक्षमता अभिवृद्धि गर्दै सीमासुरक्षा, विपद् व्यवस्थापन तथा आन्तरिक सुरक्षामा सशस्त्र प्रहरीको भूमिकालाई अझ प्रभावकारी बनाउने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
