करेन्ट लागेर दुईको मृत्यु , एक घाइते

काठमाडौँ , ३ भाद्र |विद्युतीय तार प्रयोग गरी माछा मार्ने क्रममा करेन्ट लागेर तनहुँको शुक्लागण्डकी नगरपालिका–२ कोत्रेस्थित गुहेखोलामा माछा मार्ने क्रममा करेन्ट लागेर बाबु–छोराको मृत्यु भएको छ । भने आमा घाइते भएकी छिन् । मृत्यु हुनेमा शुक्लागण्डकी नगरपालिका–२ कोत्रेमा बङ्गुर फार्ममा काम गर्दै आएका २२ वर्षीय चित्रबहादुर ब्याम्बो र नौ महिनाका आदि ब्याम्बो रहेका छन् ।

घाइते तीनै जनालाई पोखरास्थित गण्डकी मेडिकल कलेजमा  लगिएको थियो ।  चित्रबहादुर र आदिको उपचारका क्रममा   गए राति मृत्यु भएको प्रहरीले जनाएको छ । घाइते दिलमायाको सोही अस्पतालमा उपचार भइरहेको छ ।