काठमाडौँ । रौतहटको गरुडा नगरपालिका–९ गम्हरिया टोलका २८ वर्षीय गौतमकुमार सहनी आफ्नै शरीरमा पेट्रोल छर्केर आगो लगाएपछि गम्भीर घाइते भएका छन्। यो घटना मध्यरातमा भएको हो। परिवारका अनुसार आगो लागेपछि उनलाई तत्काल गरुडास्थित बेटर नेपाल अस्पतालमा पुर्याइएको थियो। त्यहाँ प्राथमिक उपचारपछि थप उपचारका लागि कीर्तिपुरस्थित बर्न अस्पताल पठाइएको छ।
प्रहरीका अनुसार गौतमको घाँटीदेखि मुखसम्मको भागसहित शरीरको करिब ३१ प्रतिशत भाग जलेको छ। हाल उनको स्वास्थ्य अवस्था मध्यम रहेको चिकित्सकले बताएका छन्।
परिवारले दिएको जानकारीअनुसार गौतम केही समयदेखि मानसिक स्वास्थ्यसम्बन्धी औषधि सेवन गर्दै आएका थिए। घटनाको दिन उनले मदिरा पनि सेवन गरेको बताइएको छ। उनले यस्तो कदम किन चाले भन्ने कारण भने अझै खुलेको छैन। प्रहरीले घटनाबारे आवश्यक अनुसन्धान गरिरहेको जनाएको छ भने परिवारका सदस्यसँग पनि सोधपुछ भइरहेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
