काठमाडौँ । राष्ट्रपति रामचन्द्र पौडेलले बकर इदजस्ता पर्वले नेपाली समाजमा प्रेम, सद्भाव, सहिष्णुता र राष्ट्रिय एकता बढाउने बताएका छन् ।
बकर इदको अवसरमा शुभकामना दिँदै उनले सबै नेपालीबीच भाइचारा र मेलमिलाप कायम रहोस् भन्ने कामना गरेका हुन् । उनले यस्ता चाडपर्वले धर्म र संस्कृतिको विविधताबीच एकता कायम गर्न मद्दत गर्ने बताए ।
राष्ट्रपतिले बकर इदले समाजमा विश्वास, त्याग र सेवा भावको सन्देश फैलाउने उल्लेख गर्दै राष्ट्रिय विकास र समृद्धिमा पनि सहयोग पुग्ने विश्वास व्यक्त गरे ।
यसैगरी उपराष्ट्रपति रामसहायप्रसाद यादवले पनि बकर इदले सहयोग, सहानुभूति र सामाजिक सद्भाव बढाउने बताएका छन् । उनले यो पर्वले विपन्न र आवश्यकतामा रहेका व्यक्तिलाई सहयोग गर्ने संस्कारलाई बलियो बनाउने उल्लेख गरेका छन् ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
