एक विद्यालय एक नर्स कार्यक्रमका लागि बागमती प्रदेशमा २४८ विद्यालय नर्स माग

काठमाडौँ । बागमती प्रदेश सरकारअन्तर्गतको स्वास्थ्य मन्त्रालयको स्वास्थ्य निर्देशनालयले ठूलो संख्यामा विद्यालय नर्सका लागि आवेदन माग गरेको छ । निर्देशनालयले ‘एक विद्यालय एक नर्स कार्यक्रम’ अन्तर्गत विभिन्न माध्यमिक विद्यालयमा करार सेवाका लागि २४८ जना नर्स आवश्यक रहेको जनाएको छ ।

इच्छुक र योग्यता पुगेका व्यक्तिहरूले सूचना प्रकाशित भएको मिति २०८२ असार १४ गतेदेखि १५ दिनभित्र, अर्थात् २०८२ असार २८ गते कार्यालय समयभित्र आवेदन दिनुपर्नेछ ।

निर्देशनालयले तोकिएको समयभित्र आवेदन बुझाउन सबैलाई आग्रह गरेको छ ।