आज दुई वटा संसदीय समितिको बैठक बस्दै

काठमाडौँ । आज  दुई वटा संसदीय समितिको बैठक बस्दैछ। बिहान ११ बजे प्रतिनिधि सभाअन्तर्गतको पूर्वाधार विकास समितिको बैठक हुनेछ। यस बैठकमा देशका राष्ट्रिय गौरवका आयोजनाहरूको अहिलेको अवस्था, काममा देखिएका समस्या र समाधानका उपायबारे राष्ट्रिय योजना आयोगले जानकारी दिनेछ।

त्यसैगरी, बिहान ११ बजे नै राष्ट्रिय सभाअन्तर्गतको विधायन व्यवस्थापन समितिको बैठक पनि बस्दैछ। यस बैठकमा अभौतिक सांस्कृतिक सम्पदा संरक्षण सम्बन्धी विधेयकको मस्यौदा प्रतिवेदनमाथि छलफल गरिनेछ। साथै, समितिको वार्षिक कार्ययोजना बारे पनि सदस्यहरूबीच कुराकानी हुने कार्यक्रम रहेको छ।