काठमाडौं। देशभर जारी मतगणनाको प्रारम्भिक नतिजाले केही चर्चित उम्मेदवार रहेका निर्वाचन क्षेत्रमा रोचक प्रतिस्पर्धा देखिएको छ। सार्वजनिक प्रारम्भिक विवरणअनुसार विभिन्न राजनीतिक दलका उम्मेदवारहरूले आ–आफ्ना क्षेत्रमा अग्रता कायम गरिरहेका छन्।
हालसम्मको मतगणनाअनुसार राष्ट्रिय स्वतन्त्र पार्टीका उम्मेदवारहरू उल्लेख्य रूपमा अगाडि देखिएका छन्। उक्त दलका ४१ उम्मेदवार विभिन्न निर्वाचन क्षेत्रमा अग्रस्थानमा रहेको प्रारम्भिक तथ्याङ्कले देखाएको छ।
त्यसैगरी नेपाली कांग्रेसका उम्मेदवार चार निर्वाचन क्षेत्रमा अग्रता कायम गर्दै प्रतिस्पर्धामा छन् भने नेकपा एमालेका उम्मेदवार पनि चार क्षेत्रमा अघि देखिएका छन्। प्रमुख दलबीच कतिपय निर्वाचन क्षेत्रमा मतान्तर अत्यन्तै कम रहेकाले प्रतिस्पर्धा झन् रोचक बनेको छ।
त्यस्तै नेकपा समूहका उम्मेदवार दुई निर्वाचन क्षेत्रमा अग्रस्थानमा रहेको प्रारम्भिक विवरणमा उल्लेख छ। मतगणना कार्य अझै जारी रहेकाले अन्तिम नतिजासँगै दलहरूको वास्तविक शक्ति सन्तुलन स्पष्ट हुने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
