अमेरिकामा हिमपातले ५ हजारभन्दा बढी उडान रद्द , यात्रा ठप्प

काठमाडौँ । सोमबार अमेरिकाको पूर्वी तटमा आएको भीषण हिउँ आँधीले जनजीवन निकै प्रभावित बनाएको छ। यस आँधीका कारण धेरै स्थानमा अहिलेसम्मकै धेरै हिउँ पर्‍यो, लाखौँ मानिस समस्यामा परे र हजारौँ उडान रद्द हुन पुगे।

राष्ट्रिय मौसम सेवाका अनुसार, रोड आइल्याण्ड र म्यासाचुसेट्सका केही भागमा करिब ३७ इन्चसम्म हिउँ जमेको छ। न्यूयोर्क शहरको सेन्ट्रल पार्कमा मात्रै १९ इन्चभन्दा बढी हिउँ परेको छ। अत्यधिक हिउँका कारण न्यूयोर्कमा यात्रा गर्न निकै गाह्रो भएको भन्दै राज्य निकायले सतर्क रहन चेतावनी दिएका छन्।

यो आँधीका कारण पूर्वी तटभर ६ लाखभन्दा बढी घर र व्यवसायमा बिजुली अवरुद्ध भएको छ। विशेषगरी  म्यासाचुसेट्स बढी प्रभावित भएका छन्। उत्तरी क्यारोलिनादेखि मेनसम्म जाडो आँधीको चेतावनी जारी गरिएको छ भने क्यानडाका केही भागमा पनि सतर्कता अपनाइएको छ।

रोड आइल्याण्डको राजधानी प्रोभिडेन्समा ३६ इन्च हिउँ परेर सन् १९७८ को पुरानो रेकर्डसमेत तोडिएको छ। अवस्थाको गम्भीरताका कारण रोड आइल्याण्ड, कनेक्टिकट र म्यासाचुसेट्समा अनावश्यक यात्रा नगर्न आदेश दिइएको छ।