हब इन्टरनेशनल एजुकेशनमा साझेदार प्रतिनिधिको औपचारिक भ्रमण

काठमाडौँ। हब इन्टरनेशनल एजुकेशनले अन्तर्राष्ट्रिय शैक्षिक सहकार्य सुदृढ गर्ने उद्देश्यसहित विशेष अन्तरक्रिया कार्यक्रम सम्पन्न गरेको छ। कार्यक्रममा ग्लोबल इन्गेजमेन्ट एण्ड पार्टनरशिप्स प्रमुख बोबी अब्राहम तथा अन्तर्राष्ट्रिय विद्यार्थी भर्ना विभागका वरिष्ठ प्रबन्धक अंकित चिब्बरको सहभागिता रहेको थियो।

भ्रमणका क्रममा उनीहरूले हब इन्टरनेशनलका अध्यक्ष उधव बहादुर खड्का र प्रमुख कार्यकारी अधिकृत सरिता खड्कासँग भेटघाट गर्दै संस्थागत सहकार्य, विद्यार्थी परामर्शको गुणस्तर र दीर्घकालीन साझेदारीका विषयमा विस्तृत छलफल गरेका थिए। सो अवसरमा अष्ट्रेलियन शिक्षा विभागका मार्गनिर्देशन तथा परिवर्तनशील अनुपालन संरचनासँग मेल खाने गरी विशेष तालिम कार्यक्रम पनि सञ्चालन गरिएको थियो।

तालिम तथा छलफलका क्रममा जिम्मेवार विद्यार्थी भर्ना प्रक्रिया, शैक्षिक अपेक्षा, तथा अष्ट्रेलियाली शिक्षा बजारमा देखिएका पछिल्ला प्रवृत्तिबारे गहन जानकारी आदान–प्रदान भएको हब इन्टरनेशनलले जनाएको छ। यस किसिमका रणनीतिक संवाद र व्यावसायिक प्रशिक्षणले संस्थागत साझेदारीलाई थप बलियो बनाउनुका साथै परामर्शदाताहरूलाई विद्यार्थी–केन्द्रित, नैतिक र तथ्यपरक मार्गदर्शन प्रदान गर्न सक्षम बनाउने विश्वास व्यक्त गरिएको छ।

अष्ट्रेलिया उच्च शिक्षाका लागि प्रमुख गन्तव्यका रूपमा रहँदै आएको सन्दर्भमा, यस्ता कार्यक्रमहरूले हब इन्टरनेशनलको परामर्श गुणस्तर, अनुपालन अभ्यास र विद्यार्थी नतिजामा उच्च मापदण्ड कायम राख्न सहयोग पुग्ने अपेक्षा छ।