नोबेल पुरस्कार रद्द वा हस्तान्तरण गर्न सकिँदैन

काठमाडौँ । भेनेजुएलाका विपक्षी नेता मारिया कोरिना मचाडोले आफ्नो २०२५ को नोबेल शान्ति पुरस्कार अमेरिकी पूर्व राष्ट्रपति डोनाल्ड ट्रम्पलाई दिन सक्ने सम्भावना व्यक्त गरेपछि नर्वेजियन नोबेल संस्थानले स्पष्ट प्रतिक्रिया दिएको छ।

संस्थाले विज्ञप्तिमार्फत नोबेल पुरस्कार एकपटक दिइएपछि त्यसलाई रद्द, बाँडफाँड वा अरूलाई हस्तान्तरण गर्न नहुने बताएको हो। नोबेल फाउन्डेसनको नियम अनुसार पुरस्कार घोषणा भएपछि कुनै पनि पुनरावेदन सम्भव छैन। संस्थाले भनेका छन् कि पुरस्कार प्राप्त गरेपछि विजेताहरूले गरेका बयान वा कार्यको आधारमा पुरस्कारमा फेरबदल हुँदैन।

यसअघि सोमबार मचाडोले फक्स न्यूजसँगको अन्तर्वार्तामा भनेकी थिइन् कि ट्रम्पलाई पुरस्कार दिनु भेनेजुएलाका जनताप्रति कृतज्ञताको संकेत हुनेछ, किनभने उनले देशका राष्ट्रपति निकोलस मादुरोलाई हटाउन सहयोग गरेको बताएकी थिइन्।

तर नोबेल संस्थानको स्पष्ट भनाइ अनुसार, “एकपटक पुरस्कार घोषणा भएपछि यसलाई खारेज गर्न, बाँड्न वा अरूलाई दिन सकिँदैन। निर्णय अन्तिम र स्थायी हुन्छ।”