आजको मौसम

काठमाडौं — अहिले देशभर मनसुनी वायुको प्रभाव कमजोर भएको छ र सामान्य स्थानीय वायुको असर मात्र देखिएको छ। त्यसैले आज देशका अधिकांश ठाउँमा मौसम सफा रहने मौसमविद्हरूले बताएका छन्।

शुक्रबार दिउँसो विशेष गरी पहाडी क्षेत्रमा केही बादल लाग्नेछ भने अन्य ठाउँमा आंशिक बादल रहनेछ। कोशी, बागमती, गण्डकी र कर्णाली प्रदेशका पहाडी भागमा केही स्थानमा मध्यम खालको वर्षा हुन सक्ने सम्भावना छ। बाँकी स्थानहरूमा हल्का वर्षा मात्र हुने अनुमान गरिएको छ।

आज राति पनि कोशी प्रदेशसहितका पहाडी क्षेत्रमा आंशिक बादली रहनेछ भने अन्य क्षेत्रको मौसम प्रायः खुला रहनेछ।