राष्ट्रिय सभाको बैठक बस्दै

काठमाडौँ — राष्ट्रिय सभाको बैठक आज अपराह्न ३:१५ बजे नयाँ बानेश्वरस्थित संघीय संसद् भवनमा बस्दैछ। बैठकमा सभाध्यक्षले राष्ट्रपतिको कार्यालयबाट प्राप्त मन्त्रिपरिषद्का कार्यविभाजनसम्बन्धी पत्र पढेर सुनाउनेछन्।

त्यसपछि विधायन व्यवस्थापन समितिकी सभापति तुलसाकुमारी दाहालले संघीय निजामती सेवा विधेयकको प्रतिवेदन पेस गर्नेछिन्। राष्ट्रिय सभा सचिव डा. सुरेन्द्र अर्यालले भूमि सम्बन्धी ऐन संशोधन विधेयकको प्रतिनिधि सभाबाट आएको सन्देश टेबुल गर्नेछन्।

अर्थमन्त्री विष्णुप्रसाद पौडेलले वैकल्पिक विकास वित्त परिचालन विधेयकमाथि छलफलको प्रस्ताव पेश गर्ने कार्यक्रम छ।