रञ्जिता श्रेष्ठले बोलाइन् केन्द्रीय समितिको बैठक

काठमाडौँ । नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठ चौधरीले केन्द्रीय समितिको बैठक आह्वान गरेकी छन्। बैठक आगामी भदौ १५ र १६ गते राजधानीको कान्तिपथस्थित होटल एल्लो प्यागोडामा बस्नेछ।

बैठकमा संस्थापक केन्द्रीय सदस्य, प्रतिनिधि सभा तथा प्रदेश सभा सदस्यहरू, साथै पालिका प्रमुख र उपप्रमुखहरूलाई समेत सहभागी हुन आह्वान गरिएको छ। बैठकमा समसामयिक राजनीतिक अवस्था, पार्टी विधान संशोधन, केन्द्रीय सदस्य मनोनयन, निर्वाचन आयोगमा विवरण अद्यावधिक गर्ने प्रक्रिया लगायतका विविध विषयमा छलफल हुने जनाएको छ।